ताजा समाचार

भारतले लक्ष्मणपुर बाँधको ढोका खोल्न नमान्दा बाढी गाउँ पस्यो, तीन बालिकाको मृत्यु

समाचार
-
       

नेपालगञ्ज, २९ साउन । ‘राप्ती नदी अहिलेसम्मकै सबैभन्दा बढी उर्लिएको छ । २५ बर्षपछि यस्तो देखिएको हो, नदीमा यति ठूलो बाढी आएको थिएन ।’ डुडुवा गाउँपालिका २ का राम किशोरीप्रसाद केवडले भने ।

राप्ती नदीको बाढी सोनारी गाउँपालिकामा पस्दा एउटै घरका १२ बर्षीया अञ्जु थारु, ९ बर्षीया सरिता थारु र ७ बर्षकी सुस्मिता थारुको मृत्यु भएको छ । प्रहरीले पहिचान नखुलेको एक पुरुषको शव फेला पारेको खबर आजको अन्नपूर्ण पोस्टमा छ ।

‘भारतले बनाएको लक्ष्मणपुर बाँधका कारण बाँकेमा यो समस्या आएको हो । बाढी आउँदा उसले ढोका खोल्दैन । यो एउटा राष्ट्रिय समस्या नै हो । यसैका कारण बाँके बर्सेनी डुबानमा पर्दै आएको छ । हामीले शनिबार पनि भारतीय पक्षसँग कुरा गर्न खोज्यौं तर सम्पर्क भएन ।’ निमित्त प्रमुख जिल्ला अधिकारी कृष्णबहादुर खड्काले भने ।

Comments

प्रकाशित मिति : 2017-08-13

अरु समाचार

© NewsNepal 2018 - All Right Reserved.
newsnepal.com 2017.hlon.org