जुवाको खालबाट साढे ३ लाख नगद र सरकारी कर्मचारीसहित १८ जना पक्राउ

समाचार

दाङ, ८ कात्तिक । जुवाको खालबाट सरकारी कर्मचारीसहित १८ जना पक्राउ परेका छन् । दाङमा जुवाको खालवाट ३ लाख ५९ हजार रुपैयाँ नगद र सरकारी कर्मचारीसहित १८ जना पक्राउ परेका हुन् । जिल्ला प्रहरी कार्यालय दाङ, वडा प्रहरी कार्यालय लमही र ईलाका प्रहरी कार्यालय अमेलीयाको संयुक्त टोलीले लमही नगरपालिका वडा नम्बर ७ तेलियामा रहेको टंक अधिकारीको घरमा जुवा खेलिरहेको अवस्थामा जुवाको खालबाट गएराति नगदसहित १८ जनालाई पक्राउ गरेको वडा प्रहरी कार्यालय लमहीका प्रहरी प्रमुख सुरज खड्काले जानकारी दिए ।

जुवा खेलिरहेका अधिकांशले मादक पदार्थ सेवन गरेका थिए । पक्राउ परेका व्यक्तिहरुलाई जुवा ऐन अनुसार कारवाहीको तयारी गरिएको छ ।

पक्राउ पर्नेमा लमही नगरपालिका वडा नम्बर ७ निवासी सरकारी कर्मचारी ४४ वर्षका टोप बहादुर वली, ३२ वर्षका देवेन्द्र खड्का, ४३ वर्षका भिम बहादुर घर्ती, ४३ वर्षका खिमलाल वली, २४ वर्षका विमल खड्का, ३५ वर्षका प्रकाश कार्की, २३ वर्षका अजय कौशल, ३७ वर्षिय हरिप्रसाद भण्डारी, २५ वर्षिय शन्दिप अधिकारी, २६ वर्षका रमेश मगर, ४२ वर्षका राजेश कौशल, लिला वली रहेका छन् ।

त्यस्तै राजपुर गाउँपालिका वडा नम्बर ७ निवासी २८ वर्षकासरोज वस्नेत, १८ वर्षका मनोज वस्नेत, ४४ वर्षका ईन्द्रबहादुर वस्नेत, ३५ वर्षका नरेन्द्र सिंह, २४ वर्षका सुवास भण्डारी जुवाको खालवाट पक्राउ परेका हुन् ।