शपथ नलिने प्रदेशसभा सांसद मताधिकारबाट बञ्चित

समाचार

- राष्ट्रियसभा निर्वाचनको मतदाता नामावली पनि सार्वजनिक

काठमाडौं । निर्वाचन आयोगले आईतबार सबै प्रदेशका सांसदहरुलाई शपथका निम्ति समय निर्धारण गरेतापनि विभिन समस्या र परिस्थितिले कतिले शपथ नै लिन पाएनन् । शपथ लिन नपाउँदा उनिहरु राष्ट्रियसभा निर्वाचनमा भोट हाल्न पाउने अधिकारबाट बञ्चित हुने भएका छन् ।

निर्वाचन आयुक्त नरेन्द्र दाहालले पद तथा गोपनियताको सपथ नखाएका सांसदले राष्ट्रिय सभा निर्वाचनमा मत दिन नपाउने बताए ।
उपस्थित नहुनेमा प्रहरीको फरार सूचीमा रहेका मनाङका प्रदेशसभा सांसद राजीव गुरुङ (दीपक मनाङे) लगायत अन्य केहि पार्टीका सांसद समेत रहेका छन् ।

आयोगले प्रदेश प्रमुखसँग सल्लाह गरी आइतबार बिहान ११ बजेभित्र सबै प्रदेशसभामा सपथ कार्यक्रम सक्ने तयारी गरेको थियो । सोही अनुसार अधिकांश स्थानमा सपथ कार्यक्रम सम्पन्न भएसँगै आयोगले राष्ट्रियसभा निर्वाचनको मतदाता नामावली पनि सार्वजनिक गरिसकेको छ ।

आइतबार निर्धा्रित समयमा सपथ नलिएका सांसदहरुले भने यसपछि पनि सपथ लिन पाउनेछन्। राष्ट्रियसभा निर्वाचन अगाडि नै सपथ ग्रहण गरेमा मात्र प्रदेश सांसदले माघ २४ मा हुने राष्ट्रियसभा निर्वाचनमा भाग लिन पाउने बताईएको छ ।