डडेल्धुरा ट्याक्टर दुर्घटनामा एकको मृत्यु, ५ घाइते

समाचार

डडेल्धुरा,१४ वैशाख। डडेल्धुराको पर्शुराम नगरपालिका–९ गाईबादे ९उदेश्वर० मा ट्याक्टर दुर्घटना हुँदा एक जनाको मृत्यु भएको छ भने ५ जना घाइते भएका छन् ।

शुक्रबार बिहान १० बजे पर्शुराम नगरपालिका–९ गाईबादेदेखि ढुंगा लोड गरेर देवरीतर्फ जाँदै गरेको से १ त ५३३८ नम्बरको ट्याक्टर दुर्घटना भएको हो ।

दुर्घटनामा परी परशुराम नगरपालिका –९ का ट्याक्टरमा मजदुरी गर्ने ५५ वर्षीय नन्दसिंह ठगुन्नाको घटनास्थलमै मृत्यु भएको इलाका प्रहरी कार्यालय जोगबुडाले जनाएको छ ।

दुर्घटनामा परशुराम नगरपालिका ९ कै चालक लाल धामी, नविन बोहरा, पुस्कर बोहरा, युवराज बोहरा र रतन बोहरा घाइते भएको इलाका प्रहरी कार्यालय जोगबुडाका प्रहरी निरीक्षक शैलेन्द्र भट्टले जानकारी दिए।

घाइते मध्ये पुस्कर बोहरालाई जोगबुडा अस्पतालमा उपचार हुन नसकेपछि नेपालगञ्ज रेफर गरेको छ । घाइते अन्य ४ जनाको जोगबुडा अस्तपतालमा उपचार भइरहेको प्रहरीले जनाएको छ । ट्याक्टर अनियन्त्रित भइ दुर्घटना भएको प्रहरीको अनुमान छ ।