दीप बस्न्यातको मानव तस्करी धन्दा पर्दाफास, छोरा कमललाई बचाउन के के गरे ?

समाचार

काठमाडौं । दीप बस्न्यातको कालो धन सेतो बनाउने अखडा याख्खा ओभरसिजमा प्रहरीले आज छापा मारेको छ । पर्दा पछाडी दीप बस्न्यातको लगानी रहेको उक्त ओभरसिज उनका छोरा कमल बस्न्यातले संचालन गर्दै आएका छन । काठमाडौंको महाराजगंजमा रहेको याक्खा ओभरसिजमा प्रहरीले छापा मारेर मूख्य संचालक गुमनाममा पार्दै अर्का देखावटी संचालक भीमबहादुर रोक्कालाई पक्राउ गरेको हो। आज ओभरसिजबाट प्रहरीले कागजातसमेत बरामद गरेको महानगरीय अपराध महाशाखाका प्रमुख एसएसपी धीरजप्रताप सिंहले जानकारी दिएका छन।

दीप बस्न्यातको कालो धनले नपुगेर बैदेशिक रोजगारीका क्रममा मलेसिया पठाउँदा गरिव नेपाली युवासँग माइग्रामका नाममा उक्त ओभरसिजले १ सय २५ रिंगिट (करिब १५ हजार) लिने गरेको थियो ।

माइग्रामको नेपालस्थित एजेन्ट रहेको उक्त म्यान पावर अबैध रुपमा रकम असुलीमा लिप्त भएपछि प्रहरीले छापा मारेको हो । म्यानपावरका अर्का संचालक अख्तियारका पुर्ब प्रमुख आयुक्त दीप बस्नेतका छोरा कमल बस्नेत फरार रहेको प्रहरीले बताएको छ । अख्तियारका पुर्ब प्रमुख आयुक्त दीप बस्नेतले पैसाको आडमा छोरालाई जोगाउन भित्रभित्रै कुरा मिलाईसेकको स्रोतले बताएको छ ।