काठमाडाैमा सुरक्षा चुनाैती बढ्दो, एकै रातमा दुई जनाको हत्या !

समाचार

काठमाडाैं १३, असार । ललितपुर–२ स्थित टेकुबाट सानेपातर्फ जाने कालोपुलमुनि एक युवतीको शव भेटिएको छ ।

महागनरीय अपराध अनुसन्धान महाशाखाका अनुसार अन्दाजी २२/२५ वर्षीया युवतीको हत्या पश्चात शव उक्त ठाँउमा फालिएको जनाइएको छ ।

प्रहरीले शवको हुलिया बारे सूचना जारी गर्दै भनेको छ, ‘पातलो शरिर, अन्दाजी उचाई ५ फिट ३ ईन्च, कपाल कालो लामो, रातो ब्लाउज, खरानी रंगकोहाफ सर्ट, कालो पाइन्ट लगाएकी, बायाँ हातको नाडीमा निलो मसीले आइ लभ यू लेखिएको मंगोलियन अनुहारकी युवतीको शव मृत अवस्थामा भेटिएको हो ।’

युवतीको हत्या कतै लागूपदार्थ तथा मादकपदार्थ सेवन गर्नेले हत्या गरेको त होइन भनेर छानबिन भइरहेको प्रहरीले बताएको छ ।

त्यस्तै, गोकर्णेश्वरको अत्तरखेलमा पनि एउटा शव फेला परेको छ ।

अन्दाजी ३२ वर्षका एक पुरुषको शव प्रहरीले अत्तरखेलस्थित बागमती नदि किनारबाट बरामद गरेको हो । शवको प्रकृति हेर्दा युवकको हत्या भएको बुझ्न सकिन्छ ।

अन्दाजी ५ फिट ३ इञ्च उचाई भएका पुरुषको टाउकोबाट रगत बगेको छ । घटनास्थलमा फलामको पाइपसमेत भेटिएकाले त्यही पाइपले हिर्काएर हत्या गरेको हुनसक्ने अनुमान गरिएको छ । पातलो शरीर, लामो कपाल, जुंगा र दाह्री पालेका युवाको शव नाङ्गो अवस्थामा भेटिएको प्रहरीले बताएको छ ।

प्रहरीले हालसम्म मृतक युवार युवतीको पहिचान हुन नसकेकाले अनुसन्धानमा समेत समस्या आएको जनाएको छ ।

महानगरीय प्रहरी अपराध महाशाखाका प्रमुख धिरजप्रताप सिंहका अनुसार हत्या गरिएका पुरुष मानसिक अवस्था ठीक नभएको व्यक्ति हुन् । मागी खाने यी पुरुषमाथि कसले किन आक्रमण गर्यो भन्ने खोजी भइरहेको उनले बताए ।

खोलाकाे किनारमा फेला पर्याे एक निर्वस्त्र पुरुषकाे शव