ताजा समाचार

प्रधानमन्त्रीलाई साँझ वा भोलि बिहानसम्म डिस्चार्ज गरिने

समाचार
-
       

काठमाडौँ ।   छातीको संक्रमणपछि उपचारका लागि अस्पताल भर्ना भएका प्रधानमन्त्री केपी शर्मा ओलीको स्वास्थ्य पूर्ण सुधारोन्मुख रहेको चिकित्सकले बताएका छन्। प्रधानमन्त्रीकी निजी चिकित्सक डाक्टर दिव्या सिंहका अनुसार आज साँझ वा भोलि (शनिबार) बिहानसम्म प्रधानमन्त्रीलाई डिस्चार्ज गर्ने तयारी छ।

‘प्रधानमन्त्रीको स्वास्थ्य अवस्थाबारे केहीबेरमा हेर्छौं’, उनले सेतोपाटीसँग भनिन्, ‘कि आज साँझ नभए भोलि बिहान डिस्चार्ज गरिन्छ।’ औषधीको मात्रा शुक्रबार साँझ पूरा हुने उनले बताइन्। संक्रमण भएको बिरामीलाई प्राय: एक साता औषधी प्रयोग गरिन्छ।

रुघाखोकी, ज्वरो र छातीको संक्रमणपछि प्रधानमन्त्री सोमबार बिहान त्रिवि शिक्षण अस्पताल परिसरको मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा भर्ना भएका थिए। डाक्टर अरुण सायमी नेतृत्वको चिकित्सक टोलीले प्रधानमन्त्रीको उपचार गरिराखेको छ।

Comments

प्रकाशित मिति : 2018-11-02

अरु समाचार

© NewsNepal 2018 - All Right Reserved.
newsnepal.com 2017.hlon.org