ताजा समाचार

असोजसम्ममा प्रभु बैंकले ६४ करोड भन्दा बडी नाफा कमायो

समाचार
-
       

 

काठमाडौं । प्रभु बैंकले नियामकीय समायोजनपछि असोजसम्म ६४ करोड ३१ लाख रुपैयाँ खुद नाफा गरेको छ। गत बर्षको नाफाबाट लाभांस वितरण गर्ने योजना बनाइरहेको बैंकले एक अर्ब १३ करोड खुद ब्याज आम्दानी गरेको छ।

८ अर्ब २३ करोड चुक्ता पूँजी रहेको बैंकले खुद सञ्चालन आम्दानी एक अर्ब ५० करोड रुपैयाँ गरेको छ। बैंकको पूँजी कोष अनुपात करिव १२ प्रतिशत छ। बैंकले एक खर्ब २ अर्ब रुपैयाँ निक्षेप संकलन गरिसकेको छ। असोजसम्म ८६ अर्ब रुपैयाँ ऋण बिस्तार गरेको छ।

बैंकको आधार दर घट्न थालेको छ। असार मसान्तमा साढे १ प्रतिशतभन्दा माथि रहेको आधार दर असोजमा साढे ९ प्रतिशतमा झरेको छ। एक प्रतिशत बिन्दुभन्दा बढिले आधार दर झरेकाले बैंकको ऋणको ब्याज दर केही कम हुने देखिएको छ।बैंकको प्रति शेयर आम्दानी २९ रुपैयाँ पुगेको छ। मूल्य आम्दानी अनुपात सवा ८ गुणा छ।

Comments

प्रकाशित मिति : 2018-11-04

अरु समाचार

© NewsNepal 2018 - All Right Reserved.
newsnepal.com 2017.hlon.org