बाल बिबाहाविरुद्ध बालकचरी संवाद

न्यूज-नेपाल संवाददाता /हुम्ला । बाल बिवाह अन्त्यका लागि हुम्लाका २ वटा गाउँ पालिकाकमा बालकचरी संवाद भएको छ । २० नोभेम्बर २०१८ को अन्तर्राष्ट्रिय बाल दिवसलाई मध्यनजर गरी गुड नेवर्स इन्टरनेशनल नेपाल माध्यामिक तहमा अध्ययनरत बिधार्थीहबिच ‘बाल बिबाह नगर्ने’ बाल कचरी कार्यक्रम गरेको हो ।

बाल कचरी संवादमा समाजमा हुने बाल बिबाहाबिरुद्धमा बिद्यार्थीहरूले बाल विवाह रोक्न बाल कचरी कार्यक्रममा प्रतिबद्धता गरेका छन् । सामाजिक मान्यताले बाल बिबाह गर्न बाध्य रहदै आएकोमा पछिल्लो समय चेतना मुलक जानकारी पाउँदा बाल बिबाहा नगर्ने प्रतिबद्धता मालिका मा.वि लालिका छात्रा सबिना शाहीले बताइन् । यो भन्दा अगाडी जानकारी नै नभएर धेरै दिदी बहिनी खेर गएको बताउँदै आफ्ना सुझाब राख्ने क्रममा शाहीले ती सबै रुढीबादी मान्यतालाई लत्याउने बताइन् ।

रजस्वला नभएकी कुमारी केटी बिबाहा गर्न पाए समाजले सकारात्मक रूपमा लिने मान्यताले गर्दा हुम्लामा बाल बिबाहले बढुबा पाएको हुम्ला रलिङ्ग मावि कक्षा १० की छात्रा छिरिङ्ग लामु लामाले बताइन्। उनले यी सबै कुसंस्कारहरू हटाउन आफूले भूमिका खेल्ने उनको रहेको छ । बाल बिबाहाले गर्दा धेरै किशोरीहरूले अकालमा ज्यान गुमाउनु परेको र सानै उमेरमा आमा बन्न बाध्य भएकोले अब बाल बिबाहलाई पूर्ण रूपमा निर्मुल गर्नुपर्ने लामाले बताइन् ।

यस्तैगरी जमाना नयाँ आएको भए पनि बालविबाहरूलाई शिक्षित परिवारका सदस्यले पनि स्वीकार गरेको देख्दा अचम्म लाग्ने बताउदै बाल मन्दिर मा.वि कक्षा १० का छात्र सुनाम लामाको छ । बाल विबाहले एकातिर आमाको स्वास्थ्य कमजोर मात्र हुने नभई रोगीसमेत बन्ने गरेको र अर्कोतर्फ त्यस्ता उमेर नपुगको किशोरीबाट जन्मेका बालबालिका पनि कुपोषित हुने लामाको भनाई छ ।

बाल अधिकारको सम्वद्र्धनका लागि अवसर कार्यक्रमअन्तर्गत किर्डाक हुम्लाको आयोजनामा विद्यालय स्तरिय विभिन्न क्रियाकलाप सञ्चालन गरिएको गुड नेवर्स इन्टरनेशनल नेपाल हुम्लाका संयोजक मन कुमार राईले बताए । बाल न्युनिकरणका लागि बाल विवाह अन्त्य विषयक बालकचरी संवाद कार्यक्रम सञ्चालन गरिएको संयोजक राईले बताए ।

गुड नेर्भस इन्टरनेस्नल नेपालको आर्थिक सहयोग र किडार्क हुम्लाको आयोजनामा संचालन भएको कचहरी कार्यक्रममा खार्पुनाथ गाउँपालिका अन्तरगतका मान्धारा मा.वि.मालिका मा.वि.सीता मा.वि.र हुम्ला मा.वि. र सिमकोट गाउँपालिका अन्तरगत बाल मन्दिर मावि, रलिङ्ग मावि र रामदेव माविका छात्र छात्राहको रहेको किर्डाक नेपाल हुम्लाका शिक्षा कार्यक्रमका निमित्त भरत बोहोराले बताए । यिनै छात्रछात्रा मध्ये १ जना छात्रा तथा १ जना छात्रलाई काठमाडौंमा हुने राष्ट्रिय स्तरको कचहरी कार्यक्रममा सहभागिता जनाउन पाउने किर्डाक हुम्लाका शिक्षा कार्यक्रमका निमित्त भरत बोहोराको भनाई छ ।

Comments