यूपीएफले प्रदान गरेको पुरस्कार फिर्ता गर्न प्रधानमन्त्रीलाई तरुण दलको चेतावनी, फिर्ता नगराए देशव्यापी आन्दोलन गर्ने

काठमाडौँ । प्रधानमन्त्री केपी शर्मा ओलीलाई युनिफिकेसन चर्चकी धर्म गुरु हाक जा हान मुनले ‘लिडरसिप एन्ड गुड गभर्नेन्स अवार्ड’बाट पुरस्कृत गरेपछि यसको वर्सत्र आलोचना गर विरोध भएको छ । यसैबीच नेपाल तरुण दलले यो पुरस्कारको नाममा गरिएको कमिसन र भ्रष्टाचारको विरोधनमा देशव्यापी आन्दोलन गर्ने चेतावनी दिएको छ । मंगलबार प्रेस विज्ञप्ति निकाल्दै तरुण दलले चेतावनी दिएको हो ।

‘युपिएफसँगको संलग्नता गम्भीर त्रुटी निकै रहस्यमय देखिएको छ । उक्त संस्थलाई भित्री बाटोबाट सहयोग गरे वापत् प्रधानमन्त्री ओलीले एक लाख अमेरिकी डलरको पुरस्कार लिनु भनेको एउटा नौटङ्की मात्र हो ।’ तरुण दलले निकाले प्रेस विज्ञप्तिा भनिएको छ, ‘मन्त्रीपरिषद्को स्वीकृतिविना पुस्कार ग्रहण गर्नु कानुन विपरित त हुँदै हो यसका साथै कुनै संस्थाबाट विना कारण रकम लिनु भनेको खुल्ला कमिसन र भ्रष्टाचार पनि हो।’

तरुण दलले प्रधानमन्त्रीलाई गरिएको सम्मानको खुलम खुला कमिसन र भ्रष्टाचार जन्य क्रियाकलाप भएको बताएको छ । ‘यसको घोर भ्रत्सना र दोषीलाई कडा कारबाहीको जोडदार माग गर्दछौं, विज्ञप्तिमा भनिएको छ,’यो कार्यक्रमको नाममा भएको खर्चको छानविन र कमिसन स्वरूप लिएको एक लाख डलर रकम तत्काल फिर्ता गर्न प्रधानमन्त्रीलाई तरुण दल सचेत गराउँदछ।’

प्रधानमन्त्रीले पाएको पुरस्कारमा १ लाख डलर थपेर कोष बनाउने मन्त्रिपरिषद् निर्णय

इसाई धर्म प्रचारक संस्था युनिभर्सल पिस फेडेरेसनले प्रधानमन्त्री केपी शर्मा ओलीलाई पुरस्कार दिएको रकममा एक लाख अमेरिकी डलर थपेर सरकारले एउटा कोष बनाउने भएको छ।

सोमबार साँझ बसेको मन्त्रिपरिषद् बैठकले प्रधानमन्त्री ओलीले नेतृत्व र सुशासन अवार्डसँगै पाएको १ लाख डलरमा त्यत्ति नै पैसा थपेर यूवाहरूको क्षेत्रमा काम गर्ने कोष बनाउने निर्णय गरेको हो।

यसअघि आइतबार साँझ एसिया प्यासेफिक समिटमा प्रधानमन्त्री ओलीलाई नेतृत्व र सुशासन अवार्डका लागि तक्मासहित नगद पुरस्कार दिइएको थियो। फेडेरेसनकी अध्यक्ष हाक जा हान मुनले प्रधानमन्त्री ओलीलाई उक्त पुरस्कार प्रदान गरेकी थिइन्।

Comments