ताजा समाचार

सरकारी चिकित्सकले गरे आकस्मिक बाहेकका सेवा ठप्प !

अपराध
-
       

काठमाडौँ । सरकारी चिकित्सकले आकस्मिकबाहेक सम्पूर्ण ओपिडी सेवा बहिष्कार गरेका छन् । कर्मचारी समायोजन विधेयक सच्याउन माग गर्दै सरकारी चिकित्सक संघ (गोदान)ले स्वास्थ्य सेवा बहिष्कार गर्ने भएको हो ।

बुधबार परेको स्वास्थ्य सेवा दिवस बहिष्कार गरेको जानकारी गराउँदै गोदानले समायोजन ऐन मिचेर सहसचिवस्तरका ११औं तहका चिकित्सकलाई प्रदेशमा समायोजन गरेकाले त्यसलाई सच्याउन माग गर्दै इमरजेन्सीबाहेक सबै सेवा बहिस्कार गरेको जनाएको छ ।

नयाँ संगठन संरचना अनुसार कर्मचारी समायोजन गर्दा चिकित्सकका सबै दरबन्दी केन्द्रमा राखेर देशभर काममा खटाइनुपर्ने माग राख्दै दुईमहिना देखि आन्दोलनरत सरकारी चिकित्सकले समायोजन विधेयक नसच्याए सामूहिक राजीनामा दिने धम्की दिँदै आएको छ ।

चिकित्सकहरूको छाता संगठन नेपाल चिकित्सक संघले पनि सरकारी निर्णयप्रति आपत्ति जनाउँदै समायोजन प्रक्रियाप्रति सरकारको ध्यानार्कण गराउँदै आएको छ ।

Comments

प्रकाशित मिति : 2019-02-27

अरु समाचार

© NewsNepal 2018 - All Right Reserved.
newsnepal.com 2017.hlon.org