ताजा समाचार

सार्वजनिक शौचालयमा नवजात शिशु फेला

अपराध
-
       

काठमाडौं । मकवानपुरको थाहा नगरपालिकामा सार्वजनिक शौचालय नजिकै रहेको झाँडीमा एक नवजात शिशु फेला परेको छ ।

थाहा नगरपालिका–४ शिखरकोटस्थित सार्वजनिक शौचालय नजिकै रहेको झाँडीमा करिब १५/२० दिनको जस्तो देखिने नवजात शिशु (बालक) फेला परेको बागमती प्रदेश प्रहरी कार्यालय, हेटौँडाले जनाएको छ ।

नवजात शिशु फेला परेको खबर स्थानीय मार्फत जानकारी प्राप्त भएपछि इलाका प्रहरी कार्यालय पालुङबाट गएको प्रहरी टोलीले नवजात शिशुको उद्धार गरी प्राथमिक स्वास्थ्य केन्द्र पालुङमा सुरक्षित राखिएको र अवस्था सामान्य रहेको जनाइएको छ ।

प्रदेश प्रहरी कार्यालयका अनुसार उक्त बच्चा जन्माई फाल्ने झापा जिल्ला लक्ष्मीपुर अर्जुनधारा नगरपालिका ६ घर भई हाल काठमाडौँमा कोठा लिई बस्ने वर्ष २८ की मेनुका धिताल अधिकारीलाई (विवाहित) लाई थाहा नगरपालिका धारापानीस्थित दिदीको घरमा फेला पारी नियन्त्रणमा लिइएको प्रहरीले जनाएको छ ।

Comments

प्रकाशित मिति : 2024-11-07

अरु समाचार

© NewsNepal 2018 - All Right Reserved.
newsnepal.com 2017.hlon.org