मोहन बस्नेतको सांसद् पद स्वतः निलम्बन हुने

अपराध

- न्यूज नेपाल

काठमाडौं । नेपाली कांग्रेसका नेता तथा प्रतिनिधिसभा सदस्य मोहन बस्नेतको सांसद् पद निलम्बन हुने भएको छ ।

अख्तियार दुरुपयोग अनुसन्धन आयागेले टेरामस्क प्रविधि खरिद प्रक्रियामा अरबौं भ्रष्टाचार र घोटला भएको विषयमा विशेष अदालतमा मुद्धा दायर गरेसँगै उनको पद निलम्बन हुने भएको हो ।

उसोतः भ्रष्टाचार सम्बन्धी ऐन अनुसार भ्रष्टाचार गरेको कसुरमा मुद्दा दर्ता भएसँगै पद स्वतः निलम्बन हुने व्यवस्था रहेको छ । सोहि कारणले बस्नेतको पद निलम्बित हुने भएको छ । तर, यस सम्बन्धी औपचारिक प्रतिक्रिया जानकारी पाएपछि मात्रै दिइने संसद सचिवालयका अधिकारीहरू बताउँछन् ।

प्रतिनिधि सभा सदस्य बस्नेतविरुद्ध टेरामक्स प्रकरणमा बिहीबार विशेष अदालतमा मुद्दा दायर भएको छ । निलम्बनको सूचना सभामुखले संसदमा सुनाउनुपर्ने व्यवस्था छ ।

यस सम्बन्धी व्यवस्था भ्रष्टाचार निवारण ऐनको दफा ३३ मा छ । जहाँ भनिएको छ, ‘‘थुनामा रहेकोमा त्यसरी थुनामा रहेको अवधिभर र निज उपर दफा ३६ बमोजिम मुद्दा दायर भएकोमा त्यस्तो राष्ट्रसेवक सो मुद्दाको किनारा नभएसम्म स्वतः निलम्बनमा रहनेछ ।’