एमाले संखुवासभा–काठमाडौं सम्पर्क कमिटीद्वारा १०५ सदस्यीय निर्वाचन परिचालन कमिटी गठन !

कोशी प्रदेश

- न्यूज नेपाल

काठमाडौं । नेपाल कम्युनिष्ट पार्टी (एमाले) संखुवासभा–काठमाडौं सम्पर्क कमिटीले आगामी निर्वाचनलाई केन्द्रमा राख्दै १०५ सदस्यीय परिचालन कमिटी गठन गरेको छ।

सम्पर्क कमिटीका अध्यक्ष बाशु पाण्डेको अध्यक्षतामा सम्पन्न बैठकले काठमाडौं उपत्यकामा रहेका संखुवासभाबासी एमाले नेता–कार्यकर्तालाई एकताबद्ध गर्दै निर्वाचन अभियानलाई सशक्त र प्रभावकारी ढंगले अघि बढाउने निर्णय गरेको हो।

बैठकले संखुवासभा जिल्लाका सबै पालिकाका संयोजकहरू तोक्दै नगरपालिका तथा गाउँपालिका तहसम्म संगठन परिचालनलाई थप मजबुत बनाउने निर्णय समेत गरेको छ।

बैठकले संगठन विस्तार, मतदाता सम्पर्क, प्रचार–प्रसार र निर्वाचन व्यवस्थापनका कार्यलाई योजनाबद्ध रूपमा अघि बढाउन जिम्मेवारी बाँडफाँड गरेको जनाएको छ। साथै आवश्यकता अनुसार विभिन्न उप–समितिहरू गठन गरी कार्यविभाजन गरिएको छ।

सम्पर्क कमिटीले काठमाडौंमा रहेका सम्पूर्ण संखुवासभाबासी एमाले नेता–कार्यकर्ता, शुभेच्छुक तथा समर्थकहरूलाई आगामी निर्वाचन अभियानमा सक्रिय सहभागिता जनाउन हार्दिक आह्वान गरेको छ।