पानीको समस्या हटाउन सार्वजनिक स्थानमा खानेपानीको ट्यांकी राख्ने

समाज

काठमाडौं, ३ बैशाख । सार्वजनिक स्थानमा खानेपानीको टयाँकी राख्ने व्यवस्था मिलाउन खानेपानी तथा सरसफाइमन्त्री जीवनबहादुर शाहिले काठमाडौं उपत्यका खानेपानी लिमिटेड ९केयुकेएल० लाई निर्देशन दिएका छन्। गर्मी साथैसुखायम सुरु भएकाले जनतालाई केही राहत हुन्छ भन्दै मन्त्री शाहीले त्यस्तो निर्देशन दिएका हुन् ।
जनताले पानीको राम्रो उपयोग गर्न नपाएका कारण समस्या भोग्नु पर्ने स्थितिको अन्त्य गर्न आफूले विशेष राहतको कार्यक्रम ल्याउने तयारी गरिरहेको बताए साथै मन्त्री शाहीले त्यसका लागि पूर्वाधार निर्माण गर्न केयुकेएललाई निर्देशन पनि दिइसकेको बताएका छन् ।
काठमाडौं उपत्यका खानेपानी लिमिटेडलाई निर्देशन दिंदै मन्त्री शाहीले भने, ‘ गर्मीको याममा बढी मात्रामा पानीको आवश्यकता पर्छ । यो समयमा शुद्ध पानीको प्रयोग गर्न नपाएर नागरिकले बिभिन्न रोगको सिकार हुनुपर्ने अवस्था आउँछ । यसले गर्दा ठूलो समस्या निम्तन्छ । सरकार भनेको जनतालाई सेवा सुविधा उपलब्ध गराउने निकाय हो । जनताको समस्या समाधान गर्नका लागि नै सरकार बनेको हो । हामीले जन हितमा काम गर्नुपर्छ । त्यसैले सहुलियत रुपमा जनतालाई खानेपानी उपलब्ध हुने गरि सार्वजनिक स्थलमा पानीको ट्यांकी राख्ने व्यवस्था गर्नुपर्छ ।’

विभिन्न वेलहरुमा ट्यांकरमा पानी भर्न मिल्ने व्यवस्था गर्न ,पानीको अभाव हुन नदिन ट्यांकर भाडामा लिएरै भएपनि नागरिकलाई सहुलियत रुपमा खानेपानी उपलब्ध गराउन निर्देशन दिएका छन् ।