श्रम गन्तव्य देशका राजदूतलाई किन एकैपटक बोलाउँदैछ सरकार ?

गतिविधि

- न्युज नेपाल

काठमाडौं । सरकारले वैदेशिक रोजगारका बदलिँदो अवस्थामाथि छलफल गर्न प्रमुख गन्तव्य देशकका राजदूत बोलाएको छ ।

श्रम मन्त्रालयको अनुरोधमा परराष्ट्र मन्त्रालयले खाडी,मलेसिया र युरोप क्षेत्र हेर्ने राजदुत बोलाएको हो । राजदुतहश्रसँग भदौ २५,२६ र २७मा वैदेशिक रोजगारसँग सम्बन्धित विषयमा छलफल गर्न लागिएको हो ।

सेवा शूल्क, यूरोपमा देखिएको अवसर ,घरेलु श्रमिकको अवस्था र ठगी नियन्त्रणसँग सम्बद्ध विषयमा राजदुतसँग विस्तृत छलफल गरी सुझाव लिन दागिएको श्रम मन्त्रालयका रोजगार व्यवस्थापन महाशाखाका प्रमुख राजीव पोखरेलले जनाए ।” हामिले आप्रवासन नीति बनाउन मस्यौदा तयार गरिरहेका छौ । वैदेशिक रोजगारको व्यवस्थापनलाई अझ पारदर्शी बनाउने र श्रमिकको सुरक्षालाई प्रथमिकता दिईरहेका छौ” । उनले भने यसमा राजदूतहरुको सुझाव निकै महत्वपूर्ण हुनेछ।

श्रम, रोजगार तथा सामाजिक सुरक्षा मन्त्रालयले सुझाबका लागि परराष्ट्र मन्त्रालयमा थन्काइरहेको अवस्थामा राजदूतहरुसँग विस्तृत छलफल गर्न लागिएको हो ।परराष्ट्र मन्त्रालयले युरोपको मागपत्र प्रमाणीकरण, जापानको निर्दिष्ट सीपयुक्त श्रमिकसम्बन्धी घरेलु श्रमिकको निर्देशिका र कोरिया जाने सीपयुक्क्त श्रमिकलाई पठाउने फाईलहरुमाथि सुझाव नदिई राखेको हो ।

युरोपमा नेपाली श्रमिकको उच्च माग भएपछि श्रम मन्त्रालयले मागपत्र प्रमाणीकरणलाई सहजीकरण गर्न संशोधन गर्न बनाइएको वैदेशिक रोजगार सम्बन्धि मागपत्र जाँच निर्देशिकालाई परराष्ट्रले अड्काएर राखेको छ । गत जेठदेखी युरोपको मागपत्र प्रमाणीकरण गरेको छैन् । युरोपमा ४० हजार जनाको मागपत्र प्रमाणीकरण रोकिएको छ । यसले संस्थागत रुपमा नेपाली श्रमिक युरोप जानबाट वञ्चित छन् । आफ्नै किसिमले जानुपरेको छ । श्रमिक ठगिमा पनि परिरहेका छन्, श्रम रोजगार तथा सामाजिक सुरक्षामन्त्री शरतसिंह भण्डारीले भने ।