पाकिस्तानी टिमका प्रमुख छनोटकर्ताले दिए पदबाट राजिनामा,पाँच महिनादेखि खेलाडी तलब विहिन

खेलकुद

- न्युज नेपाल

काठमाडौं । पाकिस्तानका प्रमुख छनोटकर्ता इन्जामाम उल–हकले सोमबार आफ्नो पदबाट राजिनामा दिएका छन् । भारतमा चलिरहेको एकदिवसिय विश्वकपमा पाकिस्तानको खराब प्रदर्शनबीच उनीमाथि स्वार्थ बाझिएको कामको आरोप लागेको थियो । उनिमाथि त्यस्तो कम्पनीमा आबद्ध रहेको आरोप छ,जसले केही पाकिस्तानी खेलाडीको बजार व्यवस्थापन गर्छ ।

पूर्व राष्ट्रिय खेलाडी इन्जमामले पाकिस्तानी क्रिकेट बोर्ड(पीजीबी)ले यस सम्बन्धमा अनुसन्धान गरे आफू त्यसलाई सामाना गर्न तयार रहेको बताए । म निकै दु:खी छु । म माथि स्वार्थ बाझिएको काम गरेको आरोप छ । म सबै खाले अनुसन्धानको सामना गर्न तयार छु । पाकिस्तानी मिडियाले इन्जमाम आबद्ध त्यस कम्पनीले खेलाडी छनोट प्रक्रिया प्रभावित गरिरहेको आरोप लगाएको छ ।

पाकिस्तानले यसपल्टको विश्वकपमा खेलेका ६ खेलमध्ये चारमा हार बेहोरेको छ । टोली प्रतियोगिताबाट बाहिरिने संघारमा छ । पाकिस्तानले मंगलबार कोलकाता हुने खेलमा बंगलादेशको सामना गर्नेछ । पाकिस्तानलाई कुनै प्रकारको सम्भावना कायम राख्न बाँकी तीन खेल जितेरमात्र पुग्दैन, अन्य खेलका नतिजा पनि आफूअनुकुल हुनुपर्नेछ ।

सन् १९९२ देखि २००७ बीचको खेल जीवनमा इन्जमामले १ सय २० टेस्ट, ३ सय ६८ एकदिवसियर एक ट्वान्टी–२० खेल खेलेका छन् । सन्१९९२ मा पाकिस्तानले एकदिवसीय विश्वकप जित्दा उनी टोलीका प्रमुख सदस्य थिए । सन् २००७ को विश्वकपमा पाकिस्तान पहिलो चरणबाटै बाहिरिएपछि उनको खेलजीवन पनि टुंगिएको थियो ।

त्यस्तै पाकिस्तानी क्रिकेट टिमका प्रशिक्षक ग्रान्ट ब्राडबर्नले आफ्ना खेलाडीले पछिल्लो ५ महिनादेखि तलब नपाएको बताउँदै यसका बावजुत पनि टिम विश्वकपका बाँकी खेलमा उच्च प्रर्दशन गर्न प्ररित रहेको दाबि गरेका छन् । पाकिस्तानका तीन खेलाडीले पनि आफूले तलब नपाएको स्वीकारेका छन् । प्रशिक्षक ब्राडबर्नले भने,”पाकिस्तानी टिमसँग आबद्ध हुन पाउनु पनि ठूलो हो ।”” हामी अहिले राम्रो प्रर्दशनका लागि आफूलाई केन्दीत गरिरहेका छौ, किनभने यो हाम्रो हातमा छ ।” हामी पाकिस्तानी जनता खुसि हुने खेल खेल्न चाहन्छौं । न्युजिल्यान्डका पूर्वअलराउन्डर ब्राडबर्नले पाकिस्तानी टिम अहिले त्यस्तो स्थिति रहेको जुन अपेक्षित नरहेको पनि बताए ।