ताजा समाचार

एयर इण्डियाको जहाजमा बम रहेको हल्ला, यात्रु ओरालेर जाँच सुरु

समाचार
-
       

काठमाडौं । इन्डिया उड्न लागेको एयर इण्डियाको जहाजमा बम रहेको सूचना आएपछि विमानलाई काठमाडौं विमानस्थलमा सुरक्षा जाँचलाई कडा पारिएको छ ।

सोमबार दिउँसो काठमाडौंमा अवतरण भएको एआई २१६ उडान नम्बरको विमानमा ५५ नेपालीसहित १५८ यात्रु यात्रा गर्दै थिए । दिल्लीस्थित एयर इण्डिया कार्यालयबाट विमानमा बम रहेको जानकारी प्राप्त भएपछि नेपाल प्रहरी र सेनाले सुरक्षा जाँच थालेका हुन् । विमानमा बम भएको सूचनापछि सबै यात्रुलाई विमानबाट ओरालेर अलग राखेर जाँच गरिएको छ भने, बम डिटेक्सनका लागि तालिमप्राप्त कुकुरहरू प्रयोग गर्दै ‘डग स्निफिङ’ समेत गराइँदै छ।

गत हप्तामा दिल्लीबाट आएको भिस्तारा एयरवेजको विमानमा समेत बमको हल्ला चलेको थियो, तर त्यस्तो कुनै शंकास्पद वस्तु फेला परेको थिएन। पछिल्लो समय भारतीय विमानहरूमा पटकपटक यस्ता झूटा धम्कीहरू आउँदा यात्रुहरूमा त्रास फैलिएको छ ।

Comments

प्रकाशित मिति : 2024-10-28

अरु समाचार

© NewsNepal 2018 - All Right Reserved.
newsnepal.com 2017.hlon.org