ताजा समाचार

गण्डकी प्रदेश सभाको हिउँदे अधिवेशन माघ २१ गते

काठमाडौं । गण्डकी प्रदेश सभाको हिउँदे अधिवेशन माघ २१ गतेलाई बोलाउने निर्णय भएको छ । मङ्गलबार बसेको मन्त्रिपरिषद् बैठकले माघ २१ गते दिउँसो २ बजे संसद बैठक डाक्न प्रदेश प्रमुसमक्ष सिफारिस गर्ने निर्णय गरेको हो ।

गण्डकी सरकारका प्रवक्तासमेत रहनुभएका आर्थिक मामिला मन्त्री डा। टकराज गुरुङले माघ २१ गतेबाट हिउँदे अधिवेशन बोलाउने निर्णय भएको जानकारी दिए । “मन्त्रिपरिषद् बैठकले माघ २१ गते दिउँसो २ बजे अधिवेशन बोलाउन सिफारिस गर्ने निर्णय गरेको छ,” उनले भने, “बुधबार सिफारिसको पत्र प्रदेश प्रमुखकहाँ पठाउँछौँ ।”

प्रदेश सभाको बर्खे अधिवेशन गत असोज ७ गते अन्त्य भएको थियो । अहिले प्रदेश सभाका विषयगत समितिमा दुई विधेयक छलफलमा छन् । केही दिनअघि सार्वजनिक लेखा समिति बैठकमा मुख्यमन्त्री सुरेन्द्रराज पाण्डेले हिउँदे अधिवेशनमा कम्तीमा पनि १० विधेयक पारित गर्ने तयारी रहेको बताएका थिए ।

Comments

अरु समाचार

© NewsNepal 2018 - All Right Reserved.
newsnepal.com 2017.hlon.org