एमाले संखुवासभा-काठमाडौं सम्पर्क मञ्चको बनभोज कार्यक्रम भव्यताका साथ सम्पन्न

कोशी प्रदेश

काठमाडौं । नेकपा एमाले संखुवासभा-काठमाडौं सम्पर्क मञ्चको वृहत बनभोज कार्यक्रम भव्यताका साथ सम्पन्न भएको छ ।

माघ १९ गते शनिबार आयोजना भएको बनभोज कार्यक्रम काठमाडौंको चन्द्रागिरी नगरपालीका अवस्थित त्रिभुवन पार्कमा सम्पन्न भएको हो । बनभोज कार्यक्रममा प्रमुख अतिथि नेपाल सरकारका रक्षामन्त्री मानवीर राई रहेका थिए ।

प्रमुख अतिथि राईले बनभोज कार्यक्रमलाई सम्बोधन गर्दै संखुवासभा जिल्ला विभिन्न संम्भावनाले भरिएको जिल्ला भएको बताए । उनले केही समय अघि उत्तर दक्षीण कोशी राजमार्ग अन्तर्गत खाँदबारी किमाथान्का सडकको ट्याक खोल्ने काम सम्पन्न भएको र यसले समग्र देशकै आर्थिक समृद्धिमा टेवा पुग्ने विश्वास व्यक्त गरे ।

सो बनभोज कार्यक्रममा नेकपा एमालेका विभिन्न नेता तथा कार्यकर्ताहरुको उपस्थिति रहेको थियो । साथै कार्यक्रममा राष्ट्रिय लोक गायक कमलीकान्त भेटवाल, कमल बहादुर खत्री तथा स्थानिय कलाकारहरु राजु बाह्रकोटी, छितिज राई लगायत विभिन्न कलाकारहरुको सांगीतिक प्रस्तुती रहेको थियो ।