खुकुरी प्रहार गरेर श्रीमतीको हत्या

कोशी प्रदेश

- न्यूज नेपाल

काठमाडौं । झापामा खुकुरी प्रहार गरेर श्रीमतीको हत्या गरेको आरोपमा श्रीमान् पक्राउ परेका छन् ।

आफ्नै श्रीमती ३४ वर्षीया विटी हेमरन भन्ने पूजा हेमरनको हत्या गरेको अभियोगमा उनका श्रीमान् ३५ वर्षीय कविराज हेमरन पक्राउ परेका हुन् ।

कन्काई नगरपालिका–२ सुकेडागी बस्ने कविराजलाई शनिबार राति प्रहरीले पक्राउ गरेको हो । कविराजले खुकरी प्रहार गर्दा पूजाको घटनास्थलमै मृत्यु भएको भन्ने खबर प्राप्त हुनासाथ इलाका प्रहरी कार्यालय सुरूङ्गाबाट खटिएको प्रहरीले उनलाई पक्राउ गरेको हो ।

‘पत्नीको हत्यापछि फरार भएका उनलाई प्रहरीले भाग्दै गरेको अवस्थामा पक्राउ गरेको हो,’ इन्सपेक्टर श्रेष्ठले नेपालखबरसँग भने, ‘हामी अहिले घटनाको थप अनुसन्धानकै क्रममा छौँ।’

घरायसी विवादमा उनले पत्नीको घाँटीमा खुकुरी प्रहार गर्दा घटनास्थलमै पूजाको मृत्यु भएको प्रहरीले जनाएको छ।

पूजाको शव पोस्टमार्टमका लागि प्रादेशिक अस्पताल भद्रपुरमा लगिएको छ। प्रहरीले पतिपत्नीबीचको विवादको कारण भने खुलाएको छैन।