महानायक अभिनित चलचित्र ‘नरसिंहाः अवतार’ आजबाट प्रर्दशन

भिडियो

- सुनिल भट्टराई

काठमाडौं । आजबाट महानायक राजेशहमाल अभिनित नयाँ नेपाली फिल्म ‘नरसिंहाः अवतार’ देशव्यापी प्रदर्शनमा आएको छ ।

नेपाली सिने जगतका लोकपृय अभिनेता अर्थात महानायक राजेश हमालले करिव आठ वर्षपछि यही फिल्ममार्फत रजतपटमा पुनरागमन गरेको यस बहुप्रतिक्षीत चलचित्र आजबाट प्रर्दशनमा आएसँग दर्शक तथा चलचित्र प्रेमिहरु निकै उत्साहित देखिन्छन् ।

त्यसैले पनि क्यूएफएक्सबाहेक अन्य सिनेमा हलहरुले यो फिल्मलाई आज पहिलो दिनका लागि राम्रो शो उपलब्ध गराएका छन् भने फिल्मको अग्रिम बुकिङ पनि राम्रो देखिएको छ । यो फिल्मले पहिलो दिनका लागि देशभरीमा करिव १ सय ५० शो पाएको बुझिएको छ।

चलचित्रमा राजेश हमालसंगै सरोज खनाल, नीर शाह, राज कटुवाल, नीति शाह, सनिषा भट्टराई, उषा खड्गी, अर्जुन श्रेष्ठ, प्रशान्त ताम्राकार, रमेशचन्द सोडारी, प्रकाश कुँवर, राजिभजंग बस्नेत, दीपा शाही, प्रभु श्रेष्ठ, अमित गिरी, एभेलिना खड्का, समाइरा थापा, आशा पौडेल आदि कलाकारले अभिनय गरेका छन् ।

युवा निर्देशक दिवाकर भट्टराईले निर्देशन तथा राजुविक्रम थापाको छायांकनमा तयार भएको यो फिल्ममा कविराज गहतराज तथा माइकल चन्दको कोरियोग्राफी छ भने चन्द्र पन्तको एक्सन, मिलन श्रेष्ठ र साहिल खानको सम्पादन, शम्भुजित बाँस्कोटा र अर्जुन पोखरेलको संगीत छ । यो फिल्मका निर्माताहरुमा दीपक शर्मा ढकाल, नरेन्द्र महर्जन, ध्रुव न्यौपाने तथा नेम महर्जन रहेका छन्।