ताजा समाचार

गएराती धनुषामा सशस्त्र प्रहरी र तस्करबीच भिडन्त

अपराध
- NEWS NEPAL
       

काठमाडौं । धनुषामा तस्कर र सशस्त्र प्रहरीबीच झडप भएको छ । धनुषाको विदेह नगरपालिका–२ दुहबीसशस्त्र प्रहरीले तस्करलाई नियन्त्रणमा लिन खोज्दा भिडन्त भएको हो ।

आत्मरक्षाका लागि सशस्त्रले अश्रुग्यास र हवाई फायर गरेको बताएको छ । सो क्रममा तस्करी गर्नेहरूको समूहले आक्रमण गर्दा केहि सशस्त्र प्रहरी घाइते समेत भएको जानकारी दिइएको छ ।

सशस्त्र प्रहरीका एसपी निर्मल खड्काले तस्करीको समान नियन्त्रणमा लिन एउटा घरमा छापा मार्न पुग्दा स्थानीयले आक्रमण गरेको जानकारी दिए । उनले स्थिति नियन्त्रणमा लिन प्रहरीले १२ सेल अश्रुग्यास र ४ राउण्ड हवाई फायर गरेको बताए ।

सशस्त्र प्रहरी पुगेलगत्तै तस्करहरुको समूहले घरेलु हतियार, भाटा र ढुंगामुढासहित प्रहरीमाथि आक्रमण गरेका थिए ।

भिडन्तमा छ जना प्रहरी घाइते भएका र प्रहरीहरूको जनकपुरधामस्थित प्रादेशिक अस्पतालमा उपचार भइरहेको छ ।

Comments

प्रकाशित मिति : 2025-07-04

अरु समाचार

© NewsNepal 2018 - All Right Reserved.
newsnepal.com 2017.hlon.org