नौ लिम्बू शाखा अधिकृत सम्मानित

समाज

- न्युज-नेपाल संवाददाता

काठमाडौं । लिम्बू विद्यार्थी मञ्चले २०७३ सालमा नियुक्त भएका नौ लिम्बू शाखा अधिकृतलाई सम्मान गरेको छ । मञ्चको १९औं स्थापना दिवसको अवसरमा लालितपुर स्थित किराँत याक्थुङ चुम्लुङमा आयोजित कार्यक्रममा उनीहरुलाई सम्म्मान गरिएको हो । किराँत याक्थुङ चुम्लुङका पूर्व अध्यक्ष मन्जुल याक्थुङबाले ताम्रपत्र र दोसल्लाह ओडाएर उनीहरुलाई सम्मान गरे ।

सम्मानित हुनेमा विक्रम सम्वाहाङ्फे, बुधराज लिम्बू, विक्रम इजम, गोपालकृष्ण लिम्बू, गजेन्द्र येक्तेन, टार्जनकुमार लिम्बू , सुमन लिङ्देन, प्रविनहाङ योङहाङ र जेमा माखिम रहेका छन् ।

निजामती सेवामा लाग्न लिम्बू समुदायका युवाहरुलाई उत्प्रेरित गर्ने काम गरेकाले उनीहरुलाई सम्मान गरिएको मञ्चका उपमहासचिव उत्सव सम्वाहाङ्फेले बताए ।

सोही अवसरमा हालै सम्पन्न भएको महाधिवेशनबाट प्याबसन केन्द्रिय अध्यक्षमा निर्वाचित भएका लोयाल्टी एकेडेमिका संस्थापक विजय सम्वाहाङ्फे, त्रिभुवन विश्वविध्यालय सेवा आयोगबाट हालै स्थायी नियुक्ती पाएका उपप्राध्यापक अमरजङ लिम्बू , भोजपुर जिल्लामा प्रमुख जिल्ला अधिकारी नियुक्त भएकी गोमादेवी चेमजङलाई पनि सम्मान गरिएको छ ।

यो वष॔को राज–उत्तम पुरस्कार भिम सेनेहाङलाई प्रदान गरियो । लिम्बू भाषा, लिपि, संस्कृतीलाई विषय बनाएर स्नातकोत्तर तहको सोधपत्र लेख्ने व्यक्तिलाई सो पुरस्कार प्रदान गरिदै आएको छ ।
‘मातृभाषामा व्यवहारिक शिक्षा हाम्रो अभियान’ संघीय लोकतान्त्रिक गणतन्त्र नेपालामा स्वायत्त लिम्बुवान् भन्ने मूल नाराका साथ २०५५ सालमा स्थापित लिम्बू बिद्यार्थी मञ्च अरुण पूर्वका नौ जिल्ला, राजधानीका काठमाडौं, भक्तपुर र लालितपुरमा कृयाशील छ ।

Comments

प्रकाशित मिति : 2017-03-19

नौ लिम्बू शाखा अधिकृत सम्मानित

Comments

अरु समाचार