विकट गाउँमा सोलार प्यानल जडान भएपछि स्थानीय हर्षले गदगद

समाज

- न्हुंछेनारायण श्रेष्ठ/काठमाडौं

काठमाडौं । अन्तर्राष्ट्रिय इन्जिनियरहरुको व्यवसायिक संगठन Institute of Electrical and Electronics Engineers ले गतवर्ष विनाशकारी भूकम्पले क्षतिग्रस्त क्षेत्रहरुको प्रपोजल तयार गरी विभिन्न सामाजिक कार्यहरु गर्दै आएको हो । हालैमात्र संस्थाले दोलखा अति विकट गौरीशंकर गाविसको सिमि गाउँको एस सय तीस घरमा विद्युत जोडेको छ । उक्त गाउँमा १२ किलोवाट क्षमताको सोलार प्लान्ट राखेर विद्युतीकरणको कार्य सम्पन्न गरेको हो ।

विद्युतीकरणपछि स्थानीयहरु इन्टरनेटबाट लाभान्वित हुने भएका छन् । सो गाविसमा विद्युतीकरणका लागि IEEE नामक संस्था र माथिल्लो तामाकोशी जलविद्युत आयोजनाले संयुक्त रुपमा लगानी गरेका थिए । IEEE संस्थाका तर्फबाट सोलार प्यानल लगायत र माथिल्लो तामाकोशीले पोल, केवल लगायतका सामग्रीहरु सहयोग गरेका थिए । भूकम्प पीडितको सहयोग गर्ने उद्देश्यले अष्ट्रेलियन कम्पनीको सहयोगमा उक्त विद्युत प्लान्ट स्थापना भएको हो । र, स्थानीय उक्त प्लान्ट स्थापना भएर गाउँ नै झिलीमिली भएपछि स्थानीय हर्ष गदगद भएका छन् ।

नेपाल शाखाका प्रमुख अरुण तिमल्सिना अनुसार हालै मात्र काठमाण्डौं, ललितपुरका बिभिन्न पांचवटा विद्यालय तथा पुल्चोक इन्जिनियरिङ्ग क्याम्पस र बिदेशी एयरपोर्टहरुमासमेत शुद्ध पिउने पानी, फाउण्टेन सिस्टम जडान गर्ने कार्यहरु गर्दै आईरहेको छ । भविष्यमा संस्थाले भूकम्प पीडित क्षेत्रहरुमा सामाजिक सेवा अन्तर्गतका कार्यक्रमहरु लैजानै संस्थाले जनाएको छ ।