नुवाकोटमा ऐतिहासिक वैशाख पूर्णिमा ‘सिन्दूरे जात्रा’ मनाइँदैछ

समाज

नुवाकोट, ३१ चैत । नुवाकोटमा ऐतिहासिक वैशाख पूर्णिमा को विशेष दिन आज सिन्दूरे जात्रा मनाइँदैछ ।

जात्राको मुख्य दिन आज अपराह्न नुवाकोटमा सबैभन्दा ठूलो तथा ऐतिहासिक सिन्दूरे जात्राको सम्पूर्ण तयारी पूरा भएको छ ।
दुई दिनसम्म देवीघाटस्थित जालपादेवी मन्दिरमा विराजमान भइ भगवानस्वरुप भएका धामीधमिनी अहिले नुवाकोटको धरमपानीमा पुगेका छन् । मध्यरात देवीघाटबाट नुवाकोटको लागि प्रस्थान गरेका धामीधमिनीसहित देवीघाटको जालपादेवी मन्दिरमा लगिएको भैरवी देवीको मुकुटलगायतको भगवान् बिहान ४ बजे धरमपानीमा पुर्याइएको हो ।

धरमपानीमा बसिरहेका धामीधमिनी र रथको पूजाआजा सकेर अपराह्न भैरवीदेवी मन्दिरमा फर्किएर सिन्दूर खेलेपछि ऐतिहासिक सिन्दूरे जात्राको विशेष रौनक छाउन सुरु हुने धार्मिक एवम् वैदिक विधि रहेको छ

मध्यरात देवीघाट पुगेका धामीले करिब २४ घन्टाको बसाइमा जिउँदो पशु÷चौपायाको भोग खाएर नयाँ वर्षको गोप्य भविष्यवाणी गर्नेछन् । उनले गरेको भविष्यवाणी हुलाकमार्फत राष्ट्रपतिसमक्ष पठाइएको छ ।

सिन्दूरे जात्राको मुख्य आकर्षणको केन्द्र धामीले भोग खाएको हेर्न, सिन्दूर खेल्न धामीधमिनी, भैरवीदेवी र जालपादेवी मन्दिरको दर्शन गर्न नुवाकोटसहित रसुवा, धादिङ, काठमाडौँलगायत मुलुकका विभिन्न जिल्लाका हजारौं भक्तजन यहाँ आएका छन् ।