ताजा समाचार

अकस्मात् ब्रेक फेल भई जिप दुर्घटना, एक जनाको मृत्यु

समाज
- रासस
       

गु्ल्मी, २९ बैशाख । गुल्मीमा जिप दुर्घटना हुँदा एक जनाको ज्यान गएको छ । सदरमुकाम तम्घासदेखि इस्मा गाउँपालिकातर्फ जाँदै गरेको जिप आज दुर्घटना हुँदा इस्मा दोहोलीकी ४० वर्षीया कल्पना गन्दर्भको ज्यान गएको हो ।

लु १ च ६६८४ नम्बरको जिप सोही गाउँपालिका– ४ दोहोलीमा दुर्घटना भएको जिल्ला ट्राफिक कार्यालय गुल्मीका प्रमुख प्रेम श्रेष्ठले बताए । दुर्घटनामा परी सोही ठाउँका बाबुराम गन्धर्व, हुमकला विक, रुबी सुनार र सरस्वती अर्याल घाइते भएकामा स्थानीय स्वास्थ्य संस्थामा उपचार भइरहेको जिल्ला प्रहरी कार्यालय गुल्मीले जनाएको छ ।

जिप सडकबाट १५० मि तल खसेको थियो । क्षमताभन्दा बढी सामग्री बोकेकोे जिप ओरालो सडकमा अकस्मात् ब्रेक फेल भएका कारण दुर्घटना भएको चालकले बताएका छन् । जिप चालकलाई इस्मा प्रहरीले नियन्त्रणमा लिएको छ ।

Comments

प्रकाशित मिति : 2017-05-12

अरु समाचार

© NewsNepal 2018 - All Right Reserved.
newsnepal.com 2017.hlon.org