देउवाको आँडमा नीतिगत भ्रष्टाचारमा आरजू, ३० अर्बको ठेक्कामा १ अर्बको कमिसन

अर्थ र बाणिज्य

काठमाडौं, २१ पुस । प्रधानमन्त्री शेरबहादुर देउवा पत्नी आरजू राणाले शक्तिको आडमा विभिन्न चलखेलमा लागेकी छन् । चुनावमा कैलालीबाट पराजित भएकी आरजूले शक्तिको आँडमा विभिन्न निकायमा नीतिगत भ्रष्टाचार गरेकी हुन् । उनले भौतिक योजना तथा यातायात मन्त्रालयमा आफ्ना मान्छे राखेर नीतिगत भ्रष्टाचार गरेकी पाईएको हो ।

विशेषगरी सडक निर्माणका क्रममा ठेक्का पट्टा आफ्ना मान्छेलाई पारेर करोडौँ कमिसन खाने खेलमा आरजू लागेकी आरजू निकट स्रोतले बतायो । मन्त्रालयका सचिव देवेन्द्र कार्कीले हरेक हप्ता कमिसनको भाग आरजुलाई दिने गरेको पाईएको हो । त्यसैगरी सडक विभागका महानिर्देशक गोपालप्रसाद सिग्देल समेत भ्रष्टाचारमा संलग्नता हुने गरेको छ ।

सडक विभागको उपमहानिर्देशक समेत नभई आरजु देउवालाई १० करोड अग्रिम बुझाएर सिग्देल महानिर्देशक भएको उनका समकक्षीहरू नै भन्ने गर्दछन् । आरजुको आडमा सचिव र महानिर्देशले सार्वजनिक लेखाको दफा नै परिवर्तन गरी भ्रष्टाचार गरेको बताइएको छ । पछिल्लो समय अर्बौ रुपैयाँभन्दा बढि भ्रष्टाचार हुने गरेको आशंकामा अख्तियार दुरुपयोग अनुसन्धान आयोगले पनि छानबिन गर्ने तयारी गरेको छ ।

भौतिक योजना तथा यातायात मन्त्रालयमा पछिल्लो समय आरजुकै मान्छे रमेश लेखक र वीरबहादुर बलायरलाई पालैपालो पठाइएको थियो । काम सुरु हुनुअघि नै अग्रिम कमिसन लिने र आरजुलाई भाग लगाएर दिने गरिएको स्रोतको दाबी छ ।

मन्त्रालयका सचिव र विभागका प्रमुखले आरजु र शेरबहादुरको आडमा कर्मचारीलाई समेत आफ्नो प्रभावमा पर्ने गरेका छन् । कमजोर सडक बनाएर भ्रष्टाचारलाई प्रश्रय दिने गरिए पनि नियमन र अनुगमन नहुँदा भ्रष्ट प्रवृत्ति मौलाएको भन्दै कतिपयले चिन्ता व्यक्ति गर्न थालेका छन् ।

स्रोतका अनुसार आरजुले मध्यपहाडी लोकमार्ग पश्चिम खण्डको १२ अर्ब रुपैयाँको ठेक्का पनि सेटिङमा ६ वटा ठूला निर्माण ब्यवसायीलाई दिएर देशलाई २ अर्बभन्दा बढी नोक्सान पुर्‍याएकी छन् । मध्यपहाडी आयोजना प्रमुख सूर्य भाट र प्रधानमन्त्री शेरबहादुर देउवा पत्नी आरजु राणाको योजनामा ६ वटा ठूला ठेकेदारलाई मात्र दिनेगरी टेण्डर गरिएको थियो ।

सार्वजनिक खरिद नियमावलीका केही दफाहरू संशोधन गरी जसरी आरजुले ३० अर्बको धरान–चतरा–हेटौंडा सडक आयोजना ६ वटा ठेकेदारलाई मात्र दिएकी थिइन्, मध्यपहाडीमा पनि यही प्रक्रिया अपनाएर राष्ट्रलाई अरबौं घाटा पारिएको छ ।

कालिका कन्ष्ट्रक्सन, लामा कन्ष्ट्रक्सन, स्वच्छन्द निर्माण सेवा, शर्मा एण्ड कम्पनी, तुदी कन्ष्ट्रक्सनलगायतका निर्माण ब्यवसायीलाई मात्र ठेक्का दिइएको छ । यदि स्वस्थ प्रतिस्पर्धा हुँदा १२ अर्बको ठेक्कामा १० अर्ब वा ८ अर्बमा काम गर्नेगरी निर्माण ब्यवसायीहरूले प्रस्ताव हाल्ने थिए । तर पहिले नै सेटिङ गरी ठेक्का दिएर देशलाई धरान–चतराको ३० अर्ब ठेक्कामा १ अर्ब आरजुले नै अग्रिम लिएको जनाईएको छ ।

कामचलाउँ अवस्थामा पुगेको सरकारको प्रधानमन्त्री शेरबहादुर देउवाको आँडमा आरजूले विभिन्न चलखेललाई तीब्रता दिईरहेकी हुन् । उनले आफुले र आफ्ना नजिकका मान्छेहरुले हात पार्न सक्ने सबै आयोजनामाथि आँखा लगाईरहेकी छन् । भने विभिन्न निकायमा समेत आफ्ना र भोली आफुलाई काम लाग्ने मान्छेहरुको नियुक्ति, सरुवा, बढुवामा व्यस्त रहेकी छिन् ।