काठमाडौँ घोषणापत्र पारित गर्दे २७ औं नेपाल महिला कानून व्यवसायी सम्मेलन सम्पन्न

समाज

सरस्वती पाण्डे/काठमाडौँ । “संविधान कार्यान्वयनको प्रभावकारीताः आर्थिक,सामाजिक र साँस्कृतिक क्षेत्रको रूपान्तरणमा महिला सहभागिता” भन्ने मूल नाराका साथ २७औं नेपाल महिला कानून व्यवसायी सम्मेलन सम्पन्न भएको छ ।

यही असोज ५र ६ गते नेपाल बार एशोसिएशन काठमाडौँकी उपाध्यक्ष वरिष्ठ अधिवक्ता उषा मल्ल पाठकको अध्यक्षतामा महेन्द्र पुलिस क्लबमा सम्पन्न भएको हो ।

नेपाल बार एशोसिएशनले हरेक वर्ष कानून व्यवसायी महिला सम्मेलन गर्दै आएको छ । ७७ ओटै जिल्लाका महिला कानून व्यवसायीहरूको उपस्थितीका साथ बर्षै पिच्छे गरिने यस सम्मेलन महिला कानून व्यवसायीहरूको लागि महत्त्वपूर्ण पर्वको रूपमा लिन सकिन्छ।

कार्यक्रममा उपसभामुख शिवमाया तुम्वाहाम्फे, वरिष्ठ अधिवक्ता तथा पूर्व सभामुख दमननाथ ढुंगाना, नेपाल बार एशोसिएशनका अध्यक्ष शेरबहादुर के.सी सहित विभिन्न विशिष्ठ व्यक्तित्वहरूको उपस्थिती रहेको थियो ।

नेपाल बार एशोसिएशनले आफ्नो स्थापना कालदेखि नै उठाउँदै आएको मानव अधिकार, कानून शासन,स्वच्छ, विष्पक्ष र स्वतन्त्र न्यायपालिका तथा लैंगिक न्यायको आधारभुत मान्यताप्रति कटिबद्ध हुँदै आएको छ ।

संविधानले प्रत्याभूत गरेका हक अधिकारहरूलाई बास्तविक कार्यान्वयन गर्नुपर्ने आवश्यकताको महसुस गर्दै १९ जनाको घोषणापत्र तयार समितिले १८ बुँदे काठमाडौं घोषणापत्र समेत पारित गरेको छ ।