कवि मेनुका चापागाई कविता संग्रह ‘समयको आवाज’ विमोचित

कला र साहित्य

काठमाडौँ । कवि मेनुका चापागाई कविता संग्रह ‘समयको आवाज’ लोकापर्ण गरिएको छ । कवि रमेश खकुरेलको प्रमुख आतियतामा भएको कार्यक्रममा कवि तथा आख्यानकार भुवनहरि सिग्देल, कवि कोषराज न्यौपाने, कवि डा. रामप्रसाद ज्ञवाली, कवि. डा.देवी नेपाल र कवि मेनुका चापागार्इंले संयुक्त रूपमा पुस्तक लोकापर्ण गरेका हुन् ।

‘सालिक बोलिरहेछ’ कवितासंग्रह (२०७३) र ‘विश्वव्यापी’ छन्दकविता भिडियो प्रतियोगिता (२०७४) प्रथम र राष्ट्रिय कविता महोत्सवमा (२०७५) तृतीय कविको यो पुस्तक दोस्रो संग्रह हो । कितावमाथि बोल्दै कवि रमेश खकुरेलले युवा पुस्तामा छन्द कवितामा राम्रो लेख्न सक्ने कवि मेनुका चापागाईंको पुस्तक ‘समयको आवाज’ बाट धेरै कुरा सिक्न र जान्न सकिने बताए ।

त्यस्तै कवि तथा आख्यानकार भुवनहरि सिग्देलले अब ‘छन्द’ कविताको युग आउने बताए । कवि तथा समालोचक डा. रामप्रसाद ज्ञवालीले पुस्तक जति पढ्दा पनि उति पढ्न मन लाग्ने बताए । कवि डा.देवी नेपालले कवितासंङ्ग्रह छन्द कविताको प्रयोगशाला भएको बताए । छन्द कविता लेख्न र पढ्न चाहले सबैको लागि अत्यन्त उपयोगी रहेको बताए ।

यादव भट्टराईले सञ्चालन गरेको कार्यक्रममा मेनुका चापागाईले कविता वाचन समेत गरेकी थिइन् । १०४ पेजको पुस्तक को मूल्य २०० रहेको छ । जसलाई शिखांबुक्सले प्रकाशित गरेको हो ।