कविता : प्रेम र सम्भोग

कला र साहित्य

जसरी दिन र रातको सम्बन्ध छ
त्यस्तो सम्बन्ध,
जहाँ दिनको उपस्थितिमा
रात बिलिन हुन्छ र
रात आउँदै गर्दा दिन ढल्दै जान्छ।
कस्तो अटुट सम्बन्ध
अनवरत सम्बन्ध !
जुन एकपछि अर्को निश्चित छ ।

जसरी जन्म र मृत्युको सम्बन्ध
त्यस्तो सम्बन्ध,
जब कोहि जन्मिन्छ, जन्म- मृत्युसँगै जोडिएर आएको छ।
हो त्यसरी नै, प्रेम र सम्भोग त्यस्तै-उस्तै होलान् ।

जहाँ बिहानी जस्तै हरेक आशाहररू लिएर आउछन्
र जन्मजस्तै
जहाँ सुनौला भोलिहररूका टुसा जागृत हुन्छन्
र सम्भोग रात जस्तै
जुन एकदम नितान्त हुन्छ
सुनसान हुन्छ । तर
अन्तरालमा खलबली मचाइरहेको हुन्छ
र मृत्यु जस्तै जुन
निश्चित छ । तर भरोसीत छैन
निश्चित छैन् । तर अमान्य छैन् ।

जब प्रेमसँग सम्भोग जोडिएको हुन्छ
तब प्रेम दिनजस्तै विलिन भएर जानेछ
र मृत्यु पछिको अस्तित्वहिन जन्म झै निरीह हुनेछ
र सायद त्यहि समय नै
भावनात्मक प्रेमको भ्रुणहत्या भएको हुनेछ ।

हाल : पूजा पराजुली

टेक्सास अमेरिका

यो पनि पढ्नुहोस् ।

http://news-nepal.com/%e0%a4%a8%e0%a5%87%e0%a4%aa%e0%a4%be%e0%a4%b2%e0%a5%80-%e0%a4%b8%e0%a4%be%e0%a4%b9%e0%a4%bf%e0%a4%a4%e0%a5%8d%e0%a4%af%e0%a4%bf%e0%a4%95-%e0%a4%95%e0%a5%83%e0%a4%a4%e0%a4%bf-%e0%a4%b8%e0%a4%82/

Comments

प्रकाशित मिति : 2017-09-09

कविता : प्रेम र सम्भोग

Comments

अरु समाचार