रेखा थापाले ‘जोक्करहरु’ लेख्दा दीपाश्री निरौलाले यस्तो के लेखिन् ?

कला र साहित्य

काठमाडौं, १२ मंसिर । चलचित्र ‘छक्का पन्जा’ टिम र नायिका ऋचा शर्माविच देखिएको फेसबुक विवादमा अब नायिका रेखा थापाले पनि ठाउँ पाएकी छन् । उनको प्रवेशले यो विवाद अझै पेचिलो बन्दै गएको छ । नायिका रेखा थापाले आफू नायिका शर्माको पक्षमा रहेको भन्दै एक पत्रकारको स्टाटसमा कमेन्ट गरेकी छिन् ।

रेखाले एक पत्रकारको स्टाटसमा कमेन्ट गर्दै लेखेकी छिन्, ‘ऋचा शर्माले भिडियोमा दर्शकलाई मुर्ख भनेकी छैनन् । उनी वुद्धिमान महिला हुन् । के बोल्ने के नबोल्ने उनलाई थाहा छ । एउटा महिलाको पछि लागेको देखेर अचम्म लागेको छ मलाई । खै, उनीहरुबाट सामाजिक रुपान्तरणको पनि अपेक्षा थियो । तर, ‘जोक्कर’ भन्दा माथि नउठ्ने भए ।’

रेखाले ‘छक्का पन्जा’को टिमलाई ‘जोक्कर’ भन्दै कमेन्ट गरेपछि यसमा निर्देशक दीपाश्री निरौलाले पनि जवाफ फर्काएकी छिन् । दीपाको जवाफ कुनै आक्रामक र असभ्य छैन । उनले लेखेकी छिन्, ‘धन्यवाद रेखा ।’

रेखाको प्रतिक्रियासँगै फेरि एकपटक दीपा र उनको सम्बन्ध चिसिएको वुझ्न धेरै सोचिराख्नै पर्दैन । केही समय अगाडि पनि दीपा र रेखाविच बोलचाल बन्द भएको थियो । तर, चलचित्र ‘म यस्तो गीत गाउँछु’ को प्रिमियरमा पुगेका यी दुर्इले एक अर्कालाई गालामा चुम्बन गरेका थिए ।

http://news-nepal.com/683446/