‘मेरो प्यारो सिन्धुपाल्चोक’ बोलको गित सार्वजनिक हुँदै

कला र साहित्य

काठमाडाैं २८, असार । संगितप्रेमी युवा गायक अमृत भारतीको ‘मेरो प्यारो सिन्धुपाल्चोक’ बोलको म्युजिक भिडियो सार्वजनिक हुँदै छ ।

कोटेश्वरको सिटि टावरमा एक कार्यक्रमकाबीच आज दिउसो गित सार्वजनिक हुन लागेको गायक भारतीले जनाए ।

लिगेश भट्टराईको निर्देशनमा बनेको गितमा प्रज्वल गिरी, सोनिया गिरी, सरिता राजोउपाध्याय, रिना थापा मगर, अर्जुन थापा र संजीव ठकुरीको अभिनय रहेको छ ।

भारती र राजकुमार नेपालीको संगितमा आफ्नो जन्मभुमीलाई देश तथा विदेशमा समेत चिनाउन गित संगितको प्रयोग सफल हुनेमा गायक भारती ढुक्क छन् ।

नव गायक भारती सिन्धुपाल्चोकको विकट गाँउमा जन्मेका हुन् । सिन्धुपाल्चोकको कुन्चोक भन्ने ठाँउमा जन्मेका उनी नेपाली गित संगित प्रति अत्यन्तै लगाव राख्छन् ।

गायक भारतीलाई आम मानिसको दैलोमा चिनाउन सिन्धुपाल्चोकका युवाहरु लागि परेका छन् । ‘मेरो प्यारो सिन्धुपाल्चोक’ बोलको गित भएकाले यसलाई सवैमा पुर्याउन लागि पर्ने भन्दै बिष्णु भारतीले कसरत थालेको र मिडिया सम्पर्क बढाइ दिएकोमा गायकले बिष्णु भारतीको ऋणि भएको जनाए ।