श्रीलंकामा श्रृङखलाबद्ध विस्फोटः १३८ जनाले गुमाए ज्यान, ५०० बढी घाइते !

अपराध

- न्युज-नेपाल

कोलम्बो । श्रीलंकाको राजधानी कोलम्बोको एक प्रतिष्ठित होटेल एवं चर्चमा भएको श्रृङखलाबद्ध विस्फोटमा परेर १३८ जनाले ज्यान गुमाएका छन भने, ५०० बढी घाइते भएको त्यहाँको प्रहरीले जनाएको छ ।

पहिलो बिस्फोटन राजधानी कोलम्बोको सेन्ट एन्थोनी चर्च र राजधानी नजिकको सेन्ट सेबास्टियन चर्चमा भएका थिए। चर्चमा बिस्फोट भएलगत्तै राजधानीका तीनवटा होटलमा पनि आक्रमण भएको प्रहरीले जनाएको छ। राजधानी कोलम्बोका साङ्ग्रिला, सिनमन ग्रान्ड र किङ्सबरी होटलमा पनि बिस्फोट भएका छन्।मुलुकको पूर्वी क्षेत्र बाट्टिकोलोवा नगरको एक चर्चमा पनि बिस्फोट भएको छ।

बौद्धमार्गी बहुल श्रीलङ्कामा करिब ६ प्रतिशत क्याथोलिक सम्प्रदायका मानिस छन् । गिर्जाघरमा बिस्फोट हुँदा इसाई धर्मावलम्बीहरु इस्टर पर्वका अवसरमा आयोजित धार्मिक कार्यक्रममा सहभागी रहेको बताइएको छ । समाचार तयार पार्दासम्म उक्त घटनाको जिम्मेवारी कसैले लिएको छैन ।