ताजा समाचार

ठेकेदारको कुटाईबाट श्रमिकले गुमाए ज्यान !

अपराध
- न्युज-नेपाल
       

काठमाडौं । कपनमा ठेकेदारले एक श्रमिकलाई कुटपीट गर्दा ज्यान गएको छ ।

मंगलबार राती ठेकेदार प्रेम राईको कुटाईबाट श्रमिक सञ्जय राईको ज्यान गएपछि प्रहरीले ठेकेदारसहित तीन जनालाई नियन्त्णमा लिएको छ ।

निर्माण कम्पनी सञ्चालन गर्दै आइरहेका राईले लेनदेन विवादमा कुटपीट गर्दा खोटाङ बाराहापोखारीका स्थायी बासिन्दा १८ वर्षीय सञ्जय राईको मृत्यु भएको हो । मंगलबार राति ९ बजे ग्याङ फाइटको क्रममा गम्भीर घाइते भएका राईको उपचारको क्रममा त्रिवि अस्पताल महाराजगञ्जमा मृत्यु भएको प्रहरीले जनाएको छ ।

पक्राउ पर्नेमा संखुवासभा फावाखोला ४ का प्रेम कुमार राई र इलामको चिटिढुङ्गा १ का अजय राई र सागर बस्नेत रहेका छन् ।  उनीहरूलाई प्रहरी वृत्त बौद्धमा राखेर छानबिन भइरहेको प्रहरीले जनाएको छ ।

कपन प्रहरीले घटनाको पुष्टि गर्दै ठेकेदारको कुटपिटबाट खोटाङ स्थायी ठेगाना भएका राईको मृत्यु भएको जनाएको छ ।

Comments

प्रकाशित मिति : 2019-09-04

अरु समाचार

© NewsNepal 2018 - All Right Reserved.
newsnepal.com 2017.hlon.org