ताजा समाचार

व्यक्ति हत्या गर्ने कैलालीका गौरीलालले गरे आत्मसमर्पण

अपराध
- न्युज नेपाल
       

धनगढी । हँसिया प्रहार गरेर सालाको हत्या गर्ने कैलालीका ५० वर्षीय गौरीलाल ढुंगानालाई प्रहरीले नियन्त्रणमा लिएको छ । प्रहरीसमक्ष आत्मसमर्पण गरेपछि नियन्त्रणमा लिइ्रएको हो । कैलालीको जोशीपुर गाउँपालिकागाउँपालिका ६ का ढुंगाना आफैं इलाका प्रहरी कार्यालय सडकपुरको सम्पर्कमा आएपछि प्रहरीले नियन्त्रणमा लिएको हो ।

सम्पर्कमा आएपछि नियन्त्रणमा लिएर उनीमाथि थप अनुसन्धान भइरहेको प्रहरीले जनाएको छ । उनीमाथि मंगलबार जोशीपुर गाउँपालिका ६ कुमारीबागका ३३ वर्षीय पदमराज भण्डारीको हँसिया प्रहार गरेर हत्या गरेको आरोप छ । मृतक भण्डारी र ढुंगाना नातामा साला–भिनाजु हुन् ।

ढुंगानाले हँसिया प्रहार गर्दा स्थानीय ४० वर्षीय जयराज भण्डारी गम्भीर घाइते भएका छन् । उनको कोहलपुर मेडिकल कलेजमा उपचार जारी छ ।

Comments

प्रकाशित मिति : 2022-12-08

अरु समाचार

© NewsNepal 2018 - All Right Reserved.
newsnepal.com 2017.hlon.org