परपुरुषसँग रङ्गेहात भेटेपछि शान्ती सेनाबाट फर्किएका श्रीमानले गरे श्रीमतीको हत्या

अपराध

काठमाडौं । कर्तव्य ज्यानसम्बन्धी मुद्धामा नेपाली सेनाका एक अमल्दार पक्रउ परेका छन् । आफ्नै श्रीमतीको हत्या गरेको आरोपमा उनलाई नेपाल प्रहरीले पक्राउ गरेको हो ।

प्रहरीका अनुसार सल्यानको कपुरकोट गाउँपालिका–६ स्थायी ठेगाना भई हाल बारास्थित ज्वालादल गणमा कार्यरत ३६ वर्षीय सालिकराम बुढाथोकीले आफ्नी ३१ वर्षीय श्रीमतीलाई परपुरुष सँग रङ्गेहात फेला पारेपछि खुडा प्रहार गरेर हत्या गरेको जनाएको छ । दाङको तुलसीपुर उपमहानगरपालिका–६, राप्ती टोलमा डेरा गरी बस्दै आएका अमल्दार बुढाथोकी हालसालै शान्तिसेनाबाट फर्किएको प्रहरीको समेत प्रहरीले जनाएको छ ।

प्रहरीका अनुसार आज बिहान घर आएका उनले श्रीमती टिकालाई परपुरुषसँग आपत्तिजनक अवस्थामा भेटेका थिए । त्यसपछि उनले दुवैलाई खुडा प्रहार गरेर सख्त घाइते बनाएका थिए ।

खुकुरी प्रहारबाट गम्भीर घाइते भएकी टिकालाई उपचारार्थ राप्ती प्रादेशिक अस्पताल पठाइएकोमा चिकित्सकले मृत घोषणा गरेको हो । त्यस्तै, टिकाको साथमा फेला पारेका २९ वर्षीय आर्यन थापा गम्भीर घाइते छन् । उनको अहिले राप्ती प्रादेशिक अस्पतालमा उपचार भइरहेको प्रहरीले जानकारी दिएको छ ।