ताजा समाचार

लागू औषधसहित तीन जना पक्राउ

अपराध
-
       

काठमाडौं । लागू औषधसहित तीन जनालाई प्रहरीले पक्राउ गरेको छ।

पोखराको छोरेपाटनबाट प्रहरीले तिनजनालाई पक्राउ गरेको हो । पक्राउ पर्नेमा म्याग्दी घर भएर हाल पोखरा महानगरपालिका–११ रानिपौवा बस्ने वर्ष २६ की एलिना सोतोन्जा पुन, कास्की माछापुच्छ्रे गाउँपालिका– ३ बस्ने ४१ वर्षीय सार्जन गुरुङ र ३० वर्षीय सुजन गुरुङ रहेका छन्।

प्रहरीले उनीहरुको साथबाट कालोझोलामा लुकाई छिपाई राखेको लागूऔषध खैरो हेरोइन (ब्राउन सुगर) जस्तो देखिने धुलो पदार्थ ३४० मिलिग्राम, लागू औषध बुप्रिनर्फिन १४४ एम्पुल, डाइजापाम १४३ एम्पुल, फेनरागन १४२ एम्पुलगरी जम्मा ४२९ एम्पुल र मोबाइल चार थान बरामद गरिएको छ।

पोखरा–१७ छोरेपाटन स्थितमा लागू औषध कारोबार भइरहेको भन्ने सूचनाको आधारमा जिल्ला प्रहरी कार्यालय कास्की र लागूऔषध नियन्त्रण ब्यूरो शाखा कार्यालय पोखराबाट खटिएको संयुक्त प्रहरी टोलीले उनीलाई पक्राउ गरेको हो।

Comments

प्रकाशित मिति : 2025-03-21

अरु समाचार

© NewsNepal 2018 - All Right Reserved.
newsnepal.com 2017.hlon.org