ताजा समाचार

भन्सार छलेर भित्र्याइएको भारतीय मदिरा बरामद

अपराध
-
       

काठमाडौं । भन्सार छलेर नेपाल भित्र्याइएको २ लाख रुपैयाँभन्दा धेरै मूल्यको भारतीय मदिरा प्रहरीले बुटवलको बसपार्कबाट बरामद गरेको छ ।

जिल्ला प्रहरी कार्यालय रुपन्देहीका अनुसार, बुटवल उपमहानगरपालिका–९ स्थित बसपार्कबाट बेवारिसे अवस्थामा प्रहरी बिट नयाँ बसपार्क बुटवलको टोलीले २० वटा कार्टुनमा राखिएको २ सय ४० सिसी भारतीय मदिरा आइतबार बेवारिसे अवस्थामा बरामद गरेको हो ।

बरामद गरिएको उक्त मदिरा २ लाख ४० हजार रुपैयाँबराबरको रहेको प्रहरीको भनाइ छ । इलाका प्रहरी कार्यालय बुटवलका डीएसपी इन्द्रबहादुर रानाले रुपन्देहीको सीमावर्ती बेलहियाबाट बुटवल आएको एक यात्रुवाहक सार्वजनिक बसबाट प्रहरीले नियमित चेकिङका क्रममा उक्त मदिरा बरामद भएको बताए ।

अन्तस्शुल्क इजाजात प्राप्त कम्पनी तथा फर्मले मात्र भन्सार तिरेर विदेशी मदिरा आयात गर्न पाउने कानुनी प्रावधान छ ।

Comments

प्रकाशित मिति : 2025-03-25

अरु समाचार

© NewsNepal 2018 - All Right Reserved.
newsnepal.com 2017.hlon.org