नक्कली कागजपत्र बनाई जापान पठाउने १४ एजेन्सी निलम्बित

अपराध

- न्युज नेपाल

कठमाडौं । वैदेशिक रोजगारीका लागि नक्कली कागजपत्रबनाई जापान पठाईदिने १४ वटा संस्था निलम्बनमा परेका छन् । वैदेशिक रोजगारी विभागको सोमबार बसेको वैठकले उजुरीका आधारमा ती संस्थानलई निलम्बन गरेको हो । निलम्बनमा परेका ती संस्थालाई अनुसन्धान गर्ने विभागले जनाएको छ ।

ती संस्थाहरुले जापानिज भाषा र संस्कृतिसम्बन्धी तालिमको शंकास्पद प्रमाणपत्र पेस गरि श्रम स्वीकृति लिएको विभागमा उजुरी परेको थियो । त्यस्तै,श्रम स्विकृति लिएका नेपाली कामदारलाई जापानसमेत पठाईएको विभागको प्ररम्भीक अनुसन्धानले सो कार्यमा संलग्न देखिएका म्यानपावर कम्पनीलाई निलम्बन गरी अनुसन्धान गरिने विभागका सूचना अधिकारी कविराज उप्रेतिले बताएका छन्।

निलम्बनमा पर्ने संस्थाहरुमध्ये गुडविल लाइफ इन्टरनेसनल इम्प्लोइमेन्ट एजेन्सी,सत्यवती ओभरसिज, डिएन इन्टरनेसनल नेपाल ओभरसिज, रोयल ओभरसिज, जब्स ग्लोबल डटकम इम्प्लोइमेन्ट, लायन्स इन्टरनेसनल, मञ्जुश्री ओभरसिज, एएनएफ एसोसिएट, क्यापिटल इन्टरनेसनल म्यानपावर, ग्यान्ड स्विटजब र अक्सन इनटरलेसनललाई निलम्बन रहेका छन् ।

नक्कली कागजपत्र बनाए नेपाली कामदार ठगिएको यो भने पहिलो घटना होइन । यसअघि पनि विभागको नक्कली लेटरप्याड बनाई कोरियामा रोजगारी लागि आवेदन खुलाईएको सूचनासमेत जारी भएको थियो । तर, विभागले यस खालका गलत सूचनाको भ्रममा नपर्न र कुनै पनि कुराको तर, विभागले यस खालका गलत सूचनाको भ्रममा नपर्न र कुनै पनि कुराको भेरिफाई गर्न सबैमा आग्रह गरेको थियो ।