अलग भयो प्रेमगीतको समूह

कला र साहित्य

काठमाडौं । ‘प्रेमगीत’ फिल्म समूहमा आन्तरिक बिबादले उग्ररुप लिएपछि निर्माता र निर्देशक विभाजित भएका छन् । निर्माता सन्तोष सेन र निर्देशक सुदर्शन थापाबीच अहिले बोलचाल नै हुन छाडेको छ ।

निर्माता सन्तोषले ‘प्रेमगीत’का अभिनेता प्रदीप खड्कालाई लिएर ‘प्रेमगीत २’ बनाउने घोषणा गरेका छन् । ‘प्रेमगीत’का निर्देशक सुदर्शन थापाले अभिनेत्री पूजा शर्मालाई राखेर ‘म यस्तो गीत गाउँछु’ नामक फिल्म बनाउने भएका हुन् ।

निर्माता र निर्देशकवीच बिबाद आउनुको कारण खुल्न नसकेपछि स्रोतहरूका अनुसार फिल्मको कमाइ र त्यसले आर्जन गरेको गुडवीलका विषयमा मनमुटाव हुँदै आएको थियो । त्यसको प्रत्यक्ष असर अहिले आएर देखिएको छ ।

दुबै समूहले आ–आफू निकटका कलाकारलाई लिएर अलग अलग फिल्म बनाउने घोषणा गरेसँगै नेपाली फिल्मभित्र कतिसम्म आन्तरिक द्वन्द्व हुन्छ भन्ने देखाएको हो ।

गत वर्ष ‘प्रेमगीत’ फिल्मको ‘म यस्तो गीत गाउँछु, त्यो प्रेमगीत बनोस्…’ बोलको गीतले राम्रो चर्चा र कमाइ गरेको थियो । त्यही टिमका दुई ग्रुपले बनाउने नयाँ फिल्महरूले कति प्रभाव छाड्ने हुन् फिल्म बनेपछि परिणाम देखिनेछ ।

Comments

प्रकाशित मिति : 2016-09-26

अलग भयो प्रेमगीतको समूह

Comments

अरु समाचार