‘छक्का पन्जा ३’ स्वस्तिमाको इन्ट्री, सिक्वेलको लहरमा दिपक-दिपा

कला र साहित्य

काठमाडौं २८, जेष्ठ । छक्का पन्जा फिल्मले राम्रै आर्थिक लाभ दिएपछि दिपक-दिपा यसैको सिक्वेल निर्माणमा लागि परेका छन् । नेपाली फिल्म बजारमा सिक्वेल बनाउने क्रममा विकासराज आचार्य पनि ‘नाई नभन्नु ल’ बाट सिक्वेलका हकदार मानिन्छन् ।

कथा र विषयवस्तुमाथि फिल्मको प्लट घुम्नु पर्नेमा पिल्म निर्माता निर्देशकमा सिक्वेलको भूत चढ्नुले फिल्म विकासमा कस्तो टेवा पुर्याउला त्यो त इतिहासमा देखिने नै छ ।

अहिले ‘छक्का पञ्जा’को तेस्रो सिक्वेल फिल्म ‘छक्का पञ्जा ३’ को सुटिङ भईरहेको छ । दोस्रो सिक्वेल फिल्म ‘छक्का पन्जा २’मा लीड रोलमा काम गरेकी अभिनेत्री स्वस्तिमा खड्का ‘छक्का पन्जा ३’मा पनि देखिने भएकी छन् । भर्खरै अभिनेत्री खड्काको ‘छक्का पन्जा ३’मा इन्ट्री भएको हो ।

अहिले यो फिल्मको पोखरामा धमाधम छायांकन भैरहेको छ भने सुटिङ सेटमा स्वस्तिमा पनि देखिएकी छन् । दिपाश्र निरौलाले निर्देशन गरिरहेको यो फिल्मको छायांकन अन्तिम चरणमा पुगेको छ । असारको पहिलो साता पोखराको छायांकन सकेर काठमाडौं र्फकने निर्देशक दिपाश्रीले जानकारी गराएकी छन्

निर्देशक दिपाश्रीका अनुसार यो फिल्मको एउटा गीतमा स्वस्तिमालाई देख्न सकिनेछ । साथै फिल्मको केही दृश्यमा पनि अभिनेत्री स्वस्तिलाई देख्न सकिनेछ । फिल्ममा दिपकराज गिरी, केदार घिमिरे, जितु नेपाल, बुद्दि तामाङ, दिपिका प्रसाई, प्रियंका कार्की लगायतका कलाकारको मुख्य भूमिका छ । यो फिल्म आगामी दशैको फूलपातिबाट दर्शकमाझ रिलिजमा आउँदैछ ।