मिस नेपाल श्रृङ्खला खतिवडालाई गाउनले अल्झाएपछि…

कला र साहित्य

काठमाडौँ । बेस्ट डिजाइनर राउन्डका लागि मैले गाउन लगाएकी थिएँ । खाली पिंक, र लामो । पछाडीपट्टि अलिक लामो सल झुन्डिएको थियो । मनिस राईले यो ड्रेस बनाउनका लागि निक्कै मिहेनत र समय लगाएका थिए । म व्यक्तिगत रूपमा यसलाई मन पराउँछु । यो फरक र नयाँ छ ।

अब मुद्दा र प्रष्टीकरणका विषयमा कुरा गरौं । हिजो नसोचेको प्राविधिक त्रुटी भयो, ड्रेसमा । म राम्रोसँग हिँड्न सकिन । म अनुभव भएकी र्‍याम्पकी मोडल होइन । तर मैले धेरै अभ्यास गरेकी थिएँ, यस गाउनमा ।

चीनका लागि हिँड्नुअघि यो छोटो जस्तो लागेको थियो । अभ्यासका क्रममा पनि म विस्तारै हिँडेका कारणले त्यस्तो समस्या थिएन । तर, जब र्‍याम्पमा उत्रिएँ मलाई यसको पछाडीको भागले राम्रोसँग हिँड्नका लागि अवरोध गरेको थियो । अन्य मुभमेन्टका लागि पनि कठिन बनाइरहेको थियो ।

यसमा त्यति चिन्ता लिने कुरा छैन । बेस्ट डिजाइनरको विषयमा पुरै प्रस्तुतीमा गनिन्छ भन्ने लाग्दैन । यो स्थानीय डिजाइनरले बनाएको चिज विश्वमा देखाउन सकिएकोमा खुसी र उत्सव मनाउन पर्छ । बेस्ट डिजाइनर प्रतियोगिता सकिएको छ ।

म माफी माग्न चहान्छु जे भएको छ । यो दुर्भाग्यपूर्ण भयो । तर यसबारे कसैलाई आरोप र अभियोग नलगाऔं । दोष नदिऔं । हामीले तयारी गरेका थियौं तर कतिपय समयमा यस्ता असोचनिय मुद्दा र समस्या आउँछन् । उनले मिहेनत गरेरै ड्रेसको तयारी गरेका थिए जुन अति राम्रो चाहीँ थियो ।