गायिका पूर्णिमा लामाको ‘सँग–सँगै पनि’ सार्वजनिक

कला र साहित्य

काठमाडौं । गायिका पूर्णिमा लामाको आवाजमा ‘सँग–सँगै पनि’ गीतको म्युजिक भिडियो सार्वजनिक भएको छ। उक्त गीत मणि भट्टरार्इको शब्द, रमेश अन्जान कडरियाको संगीतमा, सुमन के.सी. को एरेन्ज रहेको छ ।

नेपाली कलाकारीता क्षेत्रमा लागेर अभिनेत्रीको परिचय स्थापित गर्न संघर्षरत नाम हो उवा मगर । उनी यस क्षेत्रमा सिर्जनात्मक तथा कलात्मक काम गरी आफ्नो नाम सुनौलो अक्षरमा लेखाउन चाहन्छिन् । यसै क्रममा “सँग–सँगै हिंडे पनि” गीतको म्युजिक भिडियोमा आफ्नो अभिनय कौशलता देखाएकी हुन् ।

उनी यस क्षेत्रमा आफूले चालेका हरेक पाइलामा सफल हुने सपनालार्इ बिपनामा परिवर्तन गर्दै अगाडि बढ्दै छिन्। अभिनेत्री उवालार्इ भिडियोमा साथ दिएका छन् मोडल तथा अभिनेता हिलीहाङ आङदेम्बेले । भिडियोमा दुबैको केमेस्ट्री मिलेको बताउँछन् भिडियोका कार्यकारी निर्माता राम आङदेम्बे ।

नविन खवासको श्रृंगार, तिलक रिजालको छाँयाङ्कन तथा सम्पादन रहेको भिडियोमा नवनिर्देशक अनिश लावतीको निर्देशन रहेको छ । उक्त भिडियोको निर्माता शान्ता रार्इ रहेकी छिन । भिडियोमा प्रेम कथालार्इ महत्त्व दिएको छ ।

भिडियो हेर्नुहोस्